بقالى فترة محبطة جدا
عامة انا اسلوب حياتى فى اخر خمس سنين من سيء لاسوء
البنت اللى جوايا بتروح .. وبتتغير .. احساس بالمرارة ملوش مبرر .. او ليه وانا مش عارفة احط ايدى على السبب .
او انه اكتر من سبب وانا من لخبطتى ما بينهم بتعب وبنهار .
الدنيا اللى كنت راسماها لنفسى فى مخيلتى ومتنبئة فيها بمستقبلى مش لاقياها .
الدنيا اللى ياما حلمت بيها حلوة وجميلة وملونة مش لاقيا منها غير الالوان الباهتة اللى ملهاش طعم.
بس برغم كل السواد حوليا لسه شايفاها نقطة النور وهى بعيد اوى ..هقرب وهنتصر وربنا معايا.
اه يا فيروز فيّ أمل.
ليست هناك تعليقات:
إرسال تعليق