ابراهيم الابيض

معجبنيش الفيلم شفته انهرة فى بيتنا - فى وصلة الدش اللى ركبناه قريب عشان افلام السوق الجديدة- وقعدت انا وماما وطفينا نور الصالة- عشان نحس اننا فى سنيما- طبعا ماما قامت وقعدت انا بقا اتفرج لوحدى,

القصة يالهوى ع التشرد

معقول فى كدة,

اولا انا مش بحب محمود عبد العزيز ابداااااااااااااا

من ساعة فيلم الساحر وانا بكره كره عما,

احمد السقا: نجم وسوبر ستار, واتقن دوره بشكل كبير, مفيش خلاف, ادى اللى عليه لا اكتر ولا اقل.

هند صبرى: متقدمتش فى دورها كتير, وبقت علاقتها فى افلام السقا ان هى تحبه فتموت عشانه فى الاخر, سواء هنا او الجزيرة.

عمرو واكد: فعلا دوره هنا مختلف عن ادوراه السابقة, ودا بيقول انه بدأ يغير من جلده وبدأ يسيطر عموما على طريقة تقديمه للادورا بتاعته المختارة.

قصة الفيلم والسيناريو: مش عجبونى , ويمكن حاول الممثل ( عباس ابو الحسن:الجزار فى فيلم مافيا) انه يقول انه بيعرف يكتب, بس مع كل الدم دا والمعارك مقدرش يثبت انه بيكتب , اللهم الا فى مشاهد الاخيرة اللى فيها ابراهيم اتحرق وحورية ماتت وكدة, المعركة دى عجبتنى من ساعة مشهد المراية وانا قلت هشوف دلوقتى حاجة جديدة.وقد كان-

الاخراج : متقن كبقية افلام مروان حامد ودا يمكن اللى رفع من شأن الفيلم شوية.

تقييم الفيلم بالنسبة لى : 7 من 10

ولا عزاء للسينما.