كان يوم جميل من اوله 
قمت كدة على وقت الصلاة وبعد عدة اتصالات وموافقات ابوية عرفت انى خلاص هروح
هيييييييييي
يييييييه هروح 
هنطلق
, وهو الذى لم يكن متاحا من قبل 
مش هبقا حبيسةةةةةةةة
ةةةةة يا عالم نزلت من بيتنا ع الساعة 3 ونص
ووصلت طنطا على 4
بوند كان مراسلنى وقالى انه هيوصل على خمسة
اتصلت بأحمد الفقى
وبعد اتصالات عديدة ببوند/هانتر عرفنا انه ركب (مواصلات/ ميكروباص) والمفروض انه يجلنا (انا & الفقى) عند مكتبة ايهاب عز وكيل دار ليلى فى طنطا.
المهم بعد عدة اتصالات كمان وصلنا لبوند بس قبل المكتبة بعدة شوارع - اصله معرفش يوصلها فطلعناله احنا ع الطريق
- وشفنه وكانت اول مرة بالنسبة لى اشوفه
زى ما هى اول مرة اشوف الدنيا كلها من ورا حبستى اللا متانهية.
ركبنا تاكسى ووصلنا للمول وانتظرنا بعض الناس تحت وقمنا طلعين.
سلمت على الحلويين (منى
& جومانا ) والوحشين ( كل الشباب بقا 
) وقعدنا بانتظار الدكتور والفطار.
ستف الفندق عملوا اللازم , ودكتور احمد قعد وانا قلتله يا دكتور لازم فى النص عشان كلنا نشوف سيادتك فقام و راح قعد فى صدر المكان
, طبعا معررفتش اقعد انا فين قمت قعدت مكانه الاولانى اللى قام منه , وبكدة بقيت بعيدة عنه خالص, اى نعم شايفة سيادته 
بس معرفتش اتكلم معاه ع الفطار.
بعد الفطار والانتقال لترابيزات الحلو (الكنافة) قعدت قدامه..
فوجئت انه عايز يتعرف عليا ..
وقالى انه متابع ارائى..
يالهوى يا نااااااااا
ااااااا.دا الكلام عنى انا..
طبعا فرحت جدا وكنت هتغر بس رجعت فى كلامى ومتغرتش خالص.
وبعد عدة سجائر من الدكتور وبوند ,
طلعت رواية (حظك اليوم) عشان حضرته يكتبلى اهداء..
يا لهوى ع اللى شفته.
اولا قبل ما الدكتور يكتب الاهداء لقيت فوق الدكتور رسملى
زهره ومحبوسة فى قفص زى قفص العصافير.
- كمان الدكتور قالى انها نزلت امتى وان حضرته موصلتلوش نسخة وما اشبه يعنى.طبعا كتير من الاصدقاء مفوتوش الفرصة وقعدم يسألم كتير.. وضحكنا كتير.
ود.احمد فعلا كان فى حالة geating high
جدا وكان اللقاء ودى لاقصى حد.
مقعتش معانا كتير وقمنا عشان التصوير وهو الذى لم اكن لاحلم به مطلقا.
واتصورنا واتصورت مع سيادته .
واستئذن ومشى.
قعدنا احنا كجروب شوية كدة هنقرر هنعمل ايه ..
استنينا على ما قريب جومانا جه خدها
وقلنا خلاص هنروح السيد البدوى عشان الزوار السكندريين.
وروحنا وهما اتصورا عند النافورة وانا
..مع انى قعدت اترجاهم ..
بس هما شريرين قالولى هنرجع عشان نتصور ومرجعناش..او عشان الانصاف التاريخى مكنش فى وقت نرجع اساسا .
وصلنا لحد المحطة وركبنا الحلوة منى
والوحشين القطر وروجعنا بقا لحد منطقة المعرض.دى بقا اوحش منطقة فى الموضوع عشان كنت لابسة كعب رفيع ورجلى كنت خلاص تعبت وكنت مستعدة انى اقلع السابو وامشى حافية القدمين ( على رأى كاظم)
, بس ركبنا وكانت على 11 ونص , وبوند جه معايا المحلة عشان مبقاش بنوتة لوحدى فى الطريق متأخر. وفى الطريق ا.محمد سامى اتكلم وكلمته مع بوند
نزلنا المحلة وركب هو بيجو تقريبا على 12ونص , وانا روحت بقا ..
الحمد لله ملقتش حد فى البيت والا كانت وقعتى سودا, كنت هبقا بورجر امبارح , بس فلت بأعجوبة.
يوم جميل انهيته بالاطمئنان على بوند لما وصل القاهرة برسائل لان مامتى كنت رجعت من عند خالتو.
ونمت .
وقمت دلوقتى اهو ادلى بدلوى
صباح الخير بليل
هناك 5 تعليقات:
يا بختك يا زهرة ..ليه ماقلتيش عن اللقاء ده .. أنا من طنطا ولو كنت أعرف كان ممكن آجى خصوصا لو كنتوا فى فندق عرفة لأنه قريب من بيتنا..
يا بنت الإيه بقى شفتى الدكتور أحمد خالد وكمان اهتم بآرائك..أنا بحسدك من كل قلبى ..
انتى ليه مش حاطة ايميلك هنا أنا كنت عايزة أكلمك ع الميل عن مشروعنا أو كتابنا بقى "نقطة ومن أول السطر"
ربنا يكمله على خير يا رب..
حنان
حنونة حبيبتى ؛
فعلا يا حنان انتى من طنطا , ومقلتيش من يومها ( وشة ماسك عصاية) .
شفتى يا ستى انا اصلا محدش كان قدى يومها ,
تصورى لما دكتور احمد يقولى كدة..
انا كنت هموت من الفرحة بجد.
بس على فكرة اللقاء مكنش فى فندق عرفة كان فى دلتا سيتى مول يا حبيبتى..
كان فى الدور الاخرانى, وكان فى ناس حلوة اوى.. من طنطا ومن القاهرة (بوند) بتاع دار ليلى هو بس اللى من القاهرة تقريبا , والباقى كان جروب سكندرى وجروب طنطاوى.
بصى هى الخواطر دى ليها موضوع كااااااااااامل فى شبكة روايات التفاعلية , مش انتى مشتركة هناك..
بصى ميلى يا ستى عشان متتحيريش
the_dark_lover50@hotmail.com
عايزين نتكلم بقا يا قمراية كتير.
نورتنى المكان هنا يا حنونة.
زهره
أتممني لكي يا زهرتي الجميلة كل التوفيق في عالمك الجديد
وأشهد لكي أنك كنتي نعم الطالبة المجدة المحبة لعملها وعلمها
د.محمد العزيز
جدا جدا جدا لاقصى مدى والله العظيم .
سعيدة بتشريف سيادتك لمدونتى المتواضعة جدا.
كفاية دا عليا والله :).
ممتنة لاقصى حد :)
انا كمان أشهد- وان كان دا ميكفيش حضرتك- بأنك كنت نعم المدرس/الدكتور المخلص فى عمله جدا..
سعيدة بأنى اتخرجت من تحت ايد سيادتك D:
زهره :)
تلميذتي العزيزة جدا جدا جدا
أنا أيضا شرفت بأني تعرفت علي شخصية نقية مخلصة مثلك
ولكي مني كل الحب والتقدير
وكل الدعم والتشجيع لموهبتك الأدبية النابضة ولشخصيتك المميزة
إرسال تعليق