اولا انا مكنتش منكبة علي الكتابة ككتابة ..انا من صغرى بعرف ارسم
وكتيرمن استاذات المدارس اللي كنت فيها اشادوا برسمي
لما كبرت وولقيت نفسي بقرأ قصص من مدة طويلة
لقيت في نفسي غاوية الكتابة
باستحياء طبعا لان الموضوع في اوله كان صعب اوى
كتبت وكتبت
حاجات كتير؛ بس اغلب اللي كتبته ميندرجش تحت اى بند لاى فن كتابي معروف
بس بعد كدة عرفت اكتب امتي وفين وايه ..
شوية بشوية يعني.
النشر بقا
دا كان من سنتين تقريبا وكان اليكتروني
وكان عندى مخزون قصصي كويس ومعقول ويعتبر قصص
نجي بقا للنشر المطبوع
كانت مجلة اطفال بتتبع قصر الثقافة عندنا
مجموعة من البنات صغيرات السن بيهوا الكتابة
انضميت للورشة الادبية ايامها,وعرفتهم اني بعرف ارسم
جيت علي هواهم اوى وادولي كل قصصهم ورسمتها للمجلة..
نجي لشغلي انا بقا في المجلة
بما اني اكبر بنت فيهم اصلهم فالاستاذ/ جابر سركيس قالي عايزك تعملي شغل ليكي
اكتبي مقالات للمجلة
فكرت وطلعت بمقالين حلويين
واحد عن
- اسطورة ازيس وازوريس
- والتانى عن المتحف المصرى مع صور ليه.
بعدها وبعد طبع المجلة افاجأ ان مليش مقالات خالص
طب راحت فين
اصلي طلعت كتباهم بلغة غريبة علي الاطفال
مع انى حاولت ابسط جدااااا
ااااااابس للاسف لا حياة لمن تنادى..
ادى القصة من طأطأ لسلامو عليكو.
زهره
ليست هناك تعليقات:
إرسال تعليق